HATAW! D'yaryo ng Bayan hatawtabloid.com
STAR-STUDDED parati ang musical play na Ako Si Josephine na pinangungunahan nina Via Antonio, Joaquin Pedro, at Jon Santos na kasalukuyang ginaganap sa PETA Theater dahil halos lahat ng taga-showbiz ay paulit-ulit itong pinanonood.
Ang iba ay bumili ng isang gabi at inalok sa mga kaibigan kaya laging full house ang venue kasama na ang Dreamscape unit head na si Deo T. Endrinal na inilibre niya ang buong staff niya sa isang gabi ng musika niYeng Constantino.
Magaganda naman talaga ang mga awiting nilikha ng Pinoy Dream Academy grand winner kaya hindi nakasasawang pakinggan tulad ng Chinito na ito rin ang pangalan ng leading man ni Josephine sa play.
Napanood namin ang Ako Si Josephine sa press night at nabitin kami sa mga awitin niya dahil umabot lang sa 20 songs, hindi ba mas higit pa riyan ang hit songs ni Yeng?
Anyway, kahit na abala si Yeng bilang hurado ng Tawag Ng Tanghalan saIt’s Showtime at Pinoy Boy Band Superstar ay talagang gabi-gabi niyang pinanonood ang Ako Si Josephine sa PETA.
At sa mga gustong manood o gustong bumili ng show ay puwede kayong mamili sa mga petsang Setyembre 24 (Sabado) 3:00 at 8:00 p.m.; Setyembre 25 (Linggo) 3:00 p.m.; Setyembre 29 (Huwebes) 8:00 p.m.; Oktubre 1 (Sabado)-3:00 p.m.; Oktubre 2 (Linggo)-8PM; Oktubre 6 (Hwebes) 8PM; Oktubre 7 (Biyernes) 8:00 p.m.; Oktubre 8 (Sabado) 3:00 p.m., at Oktubre 9 (Linggo) 8:00 p.m..
FACT SHEET – Reggee Bonoan
