HATAW! D'yaryo ng Bayan hatawtabloid.com
BONGGANG-BONGGA ang guesting ni Mommy Eva Carino sa Magandang Buhay dahil first time niyang makaharap sa telebisyon ang manugang (na hilaw?) na si Karla Estrada na isa sa hosts ng morning show.
Gulat na gulat ang audience nang dumating si Daniel Padilla at mamaya-maya naman ay ang tatay nitong si Rommel Padilla.
In fairness kay Rommel, ang tikas pa rin at parang hindi tumatanda.
Nagluto si Mommy Eva kasama si Rommel ng spaghetti na may halong atay ng manok. Ini-request ni Melai na subuan ni Rommel ng spaghetti si Karla kaya naghiyawan ang mga tao sa studio na marami ang kinilig.
Pero si Daniel, diring-diri sa sweet moments ng kanyang biological parents.
“Nakakadiri,” sabi ni Daniel.
Narinig iyon ni Rommel at sinabing, ”dahil sa nakakadiring tagpo, nabuo ka.”
Puro magagandang salita naman ang sinabi ni Karla kay Mommy Eva. Kahit hindi sila nagkatuluyan ni Rommel pero may mga pagkakataon na ipinahahanap ni Mommy Eva kung saan na nakatira sina Karla at Daniel para alamin kung ano na ang kalagayan at nagbibigay ng financial help.
Si Mommy Eva naman, panay ang puri niya kay Karla lalo na noong araw dahil napakaganda raw nito at ang seksi-seksi.
Umalis kaagad si Daniel at parang hindi nga niya nai-promote ang pelikula nila ni Kathryn Bernardo na Barcelona kaya si Karla na ang gumawa.
MAKATAS – Timmy Basil
