HINDI pala muna aalis ng ‘Pinas si Miss Univese 1993, Dayanara Torres, isa sa judge sa Miss Universe kahit matapos na ang pageant dahil marami pa siyang mga ime-meet up na mga Pinoy artist na nakasama niya sa kasagsagan ng kanyang career.
Gusto raw ni Yari (palayaw ni Dayanara) na makipagkita kina Cesar Montano, Aga Muhlach, Pops Fernandez, ang grupong Manoeuvres, Ariel Rivera, at Martin Nievera.
Nakasama ni Yari sina Pops, Martin, Ariel at Manoeuvres sa ASAP.
Sa kabilang banda, Maganda pa rin si Dayanara at habang tinitingnan ko ang bago niyang mga larawan, nahahawig siya sa isang Brazilian model na naging artista na sa Manila, si Daiana Meneses.
For sure, flattered at excited na rin ang mga nakasama ni Dayanara sa ASAP na makita at makausap siya. Nagsama sina Dayanara at Aga sa pelikulang Basta’t Kasama Kita at sa Type Kita Walang Kokontra naman kay Cesar.
(TIMMY BASIL)
