Tserman ng Maynila pinatay sa Rizal

NATAGPUANG walang buhay at tadtad ng tama ng bala sa katawan kamakalawa ng madaling-araw sa San Meteo, Rizal ang isang barangay chairman sa Paco, Maynila.

Sa ulat ng San Mateo PNP, kinilala ang biktimang si Reynaldo Jacaban y Joaquin, barangay chairman at residente sa Barangay 736 Zone-80, Paco, Maynila.

Habang ang hinihinalang suspek sa pagpatay ay si Celso Mendoza y Ramos ng Blk. 7, Lot 3, Saint Francis St., Addas Village, Cavite, bunsod nang natagpuang ID sa pinangyarihan ng krimen.

Ayon sa imbestigasyon ni PO2 Rene Louie San Diego, dakong 1:00 am nang matagpuan ang bangkay ng biktima sa loob ng isang sasakyan na nakaparada sa Abuab St., Brgy. Guitnang Bayan 2 ng bayan ng San Mateo.

Blanko pa ang mga awtoridad sa posibleng motibo ng suspek sa pagpatay sa biktima.

( ED MORENO )