I love her simplicity, her genuineness — Sam to Marie Jasmine

HINDI kaila kay Sam Milby na hindi siya ang first choice para gumanap na Camp Master sa pelikulang Camp Sawi ng Viva Films at N2 Productions. Ang kaibigang si Piolo Pascual ang ikinokonsidera sa role na ito subalit nasa bakasyon ang actor.

‘Di man first choice, ikinatuwa pa rin ni Sam ang pagkakakuha sa kanya.

“I feel very blessed that I was able to be a part of this movie. Kasi, what I appreciate about this movie, ‘yung movies na ginagawa natin dito, we love to be kilig. We do so many movies about being kilig. We’re great in doing that.

“But ‘yung aftermath of relationships, walang masyadong movies na ganyan, eh.

“Everyone goes through a break-up. I mean, most of us do. It’s hard to find that perfect one person, ‘yung forever, the first time. So most of us really go through a break-up.

“And this a movie na talagang everyone can relate to,” paliwanag ni Sam sa isang interbyu sa kanya.

Bilang camp master, si Sam ang nagpa-facilitate sa mga heartbroken at kasama niya rito ang limang nanggagandahan at nagseseksihang sina Bela Padilla, Arci Munoz, Kim Molina, Yassi Pressman, at Andi Eigenmann.

Ayon kay Sam, dalawang beses na rin siyang nasawi sap ag-ibig.

“I would say two big break-ups talaga that would really crush me quite a bit,” na ang tinutukoy niya ay noong nasa high school siya at ang isa ay ang kay Anne Curtis.

“I had my own way of dealing with a heartbreak. Sana, may Camp Sawi nang time na ‘yun. Mabuti naman, nandoon ‘yung mga kaibigan ko, naging close ko si John Prats. Pareho kaming may pinagdaraanan that time. So, that’s why we became close and he was one person that really helped me get through that heartbreak.”

Sa ngayon, very much happy si Sam sa kanyang karelasyon kay Marie Jasmine na isang half-British, half-Australian blogger and model.

Aminado si Sam na natagalan bago muli siyang nagmahal pagkatapos ng pakikipagrelasyon niya kay Anne.

“I was single for over six years. The break-up was end of 2009. Tapos, this year. Long time,” kuwento ng actor na bigla na lamang niyang naramdaman na mahal niya si Jasmine kaya ngayon lamang siya na- inlove muli. ”It just felt right, as simple as that. We have a lot of things in common.”

Ani Sam, bago pa lang ang kanilang relasyon ni Marie Jasmine at dahil very private ang girlfriend niya’y ayaw niyang magdetalye masyado ng tungkol sa kanila.

Sinabi lang niya na social media niya nakilala si Marie Jasmine. ”Thank you, Twitter, thank you Instagram,” natatawa niyang sabi.

Giit ni Sam, na kay Jasmine na ang qualities na hinahanap niya sa isang girl.

“She’s trustworthy, we have lots of things in common, what we believe, our hobbies also. She’s very health conscious, I’m also the same way, very much into sports, very much outgoing.

“Hindi siya talaga maarte at all, she’s very simple and I like that. I love simplicity. No make-up at all, she just goes out and you know, she’s herself. And I like that. I love genuineness,” kuwento pa ng actor.

Palabas na ang Camp Sawi sa August 24 na idinirehe ni Irene Villamor.

SHOWBIZ KONEK – Maricris Valdez Nicasio