Aura, tinapatan ang galing ni Vice Ganda

HINAYANG na hinayang kami at hindi namin napanood ang Gandang Gabi Vice noong Linggo dahil ang galing-galing daw ng batang si McNeal Briguela or Aura at Mac Mac naman sa FPJ’s Ang Probinsyano dahil hindi raw talaga siya nagpatalo kay Vice Ganda nang mag-showdown sila sa sayawan at aktingan.

Hinanap kaagad namin sa youtube ang nasabing episode at talagang grabe ang tawa namin kina Vice at Aura at ang daming views ha at komento na ‘Vice Ganda in the making daw si Aura.’

Oo nga Ateng Maricris, Vice na Vice ang dating ng bagets lalo na sa aktingan portion.

Anyway, sabi mismo ng mga nakapanood ay bitin na bitin sila kina Vice at Aura at bagay na bagay daw silang magsama sa isang programa.

Oo nga sana bigyan ng segment sina Vice at Aura sa Gandang Gabi Vicedahil tiyak na papatok ito at hindi naman magkaka-problema sa DOLE dahil maaga naman ang taping ng GGV.

Sa pelikula ay kasado na dahil kasama si Aura sa pelikulang pagsasamahan nina Vice at Coco Martin sa entry ng Star Cinema sa 2016 Metro Manila Film Festival na mapapanood sa Disyembre.

FACT SHEET – Reggee Bonoan