HATAW! D'yaryo ng Bayan hatawtabloid.com
NAGISING na si Jaime Fabregas bilang si Police Chief Superintendent Delfin S. Borja o mas kilala bilang si Lolo Delfin ni Coco Martin kaya tiyak na magbubunyi ang lahat ng nalungkot sa pagkakabaril sa kanya ni Cesar Montano na inakalang patay na.
Dahil sa pigil-hiningang episode na ito kay Lolo Delfin nitong nakaraang linggo ay hindi binitiwan ng manonood ang FPJ’ Ang Probinsyano aksiyong serye ni Coco kaya naman consistent winner sa ratings game mula Kantar-Media o AGB Nielsen.
Hiningan namin ng ilang komento ang mga mahihilig manood ng serye na talagang bukas ang telebisyon mula umaga hanggang gabi at iisa ang sinasabi nila.
Paliwanag sa amin, “ganito lang ‘yan, kung ano ‘yung naumpisahan mong panoorin, doon ka na, hindi ka na bibitaw, bakit ka pa maglilipat ng channel kung nasimulan mo na ang isang palabas?
“Puwedeng manood ng bagong programa kapag hindi mo na gusto ang pinanonood mo o boring na, at saka ka maglilipat ng channel.
“Sa analysis ko ha, heto lang ‘yan Reggs, ang ‘Ang Probinsyano’ kasi, pang masa, all sexes, all ages pa, at higit sa lahat, aksiyon.
“Eh, alam mo naman ngayon, maraming mahilig sa aksiyon, mapa-babae man, lalo na ang mga lalaki, siyempre tapos lume-level (sumasabay) pa sila sa nangyayaring krimen ngayon na hinuhuli mga adik, so ‘di ba, magandang panoorin.
“Tapos patok din sa bata dahil kina Onyok at MacMac, kaya ano pa hahanapin mo, ‘di ba? Pasok sa lahat ang ‘Ang Probinsyano’ ni Coco. Hindi lang naman si Coco ang pinanonood doon, lahat sila may kanya-kanyang kuwento.”
Sabi naman ng mga nanoood ng Encantadia ay nagandahan naman talaga sila lalo na raw sa effects.
“Maganda naman, pero alam mo ‘yun, hindi mo siya tututukan kasi iba ‘yung kuwento, lumang panahon, eh, ano na ba tayo ngayon, siyempre ang gusto natin, ‘yung kasalukuyan.
“Bukod pa sa hindi mo naman kilala ‘yung ibang artista if you’re not a GMA viewer, so ‘pag nilipat mo, magtatanong ka, ‘sino ‘yun, sino siya, sino sila?’
“Kulang kasi ang GMA sa push sa mga artista nila kaya hindi kilala ‘yung iba, maliban sa mga luma, of course sinong hindi makakakilala kina Marian Rivera, Dingdong Dantes, Sunshine Dizon, tapos si Sexbomb si Rochelle (Pangilinan)?
“Good thing maraming nakakakilala na kina Kylie Padilla at Glaiza de Castro, eh, sino ‘yung Gabbi at Sanya ba ‘yun?
“Well, Rocco Nacino kilala rin because of Lovi Poe, ‘di ba away-bati sila? Siyempre si Solenn Heussaf kilala dahil matagal na siya, at imposibleng hindi mo makikilala si Heneral Luna (John Arcilla), ha, ha. Kidding aside, medyo hindi kami maka-relate sa ‘Encantadia’.”
Sa mga hindi nakapanood sa unang Encantadia, eh, hindi nga makare-relate sa pagbabalik nito.
Abangan ang episodes ng FPJ’s Ang Probinsyano ngayong linggo dahil ang bagong misyon ay ang pagpatay sa mga aso sa pangunguna ni Emilio Garcia at ang pagpasok ni Vice Ganda na bagong makakalaban din ni Coco.
FACT SHEET – Reggee Bonoan
