2 kidnaper todas sa shootout (Biktima nakatakas)

PATAY ang dalawang lalaki nang makipagbarilan sa mga pulis makaraan tangkang dukutin ang isang babae sa isang banko sa Mandaluyong City kamakalawa ng gabi.

Sa ulat ng pulisya, dakong 11:00 pm tinangka ng mga suspek na dukutin ang isang babae sa isang banko sa Bonifacio Avenue ngunit nakatakbo ang biktima at nakapagsumbong sa traffice enforcers.

Agad itinawag ng traffice enforcers sa Mandaluyong PNP ang insidente kaya agad naglatag ng dragnet operation sa erya.

Nasalubong ng mga pulis ang sasakyan ng mga suspek sa Arayat St., Brgy. Malamig sa lungsod.

Pinababa ng mga pulis ang mga suspek ngunit pinaputukan sila kaya napilitan ang mga awtoridad na gumanti ng putok na ikinamatay ng dalawa.

( ED MORENO )