HATAW! D'yaryo ng Bayan hatawtabloid.com
NINENERBIYOS ang buong cast ng seryeng The Greatest Love na sina Sylvia Sanchez, Mat Evans, Arron Villaflor, Andi Eigenmann, at Dimples Romana kasama rin sina Rommel Padilla at Nono Buencamino mula sa direksiyon ni Dado Lumibao dahil sa Lunes, Hulyo 18 na ang airing nila kapalit ng Super D nina Dominic Ochoa atMarco Masa.
Biglaan daw kasi ang airing ng The Greatest Love na buong akala ng lahat ay sa Agosto pa, pero dahil na rin sa ganda ng feedback mula sa advertisers sa nakaraang Trade Launch ng ABS-CBN ay biglang ieere na ang first title role ni Sylvia.
Kung hindi magbabago ang plano ay lilipad patungong Quirino, Isabela ang buong cast ngayong araw, Biyernes hanggang Linggo para kunan ang mga eksenang probinsiya bago sila lumuwas ng Maynila.
Kaya wish ng buong cast at production na sana hindi umulan o walang bagyo dahil ang mga kukunang eksena ay sa bukid at sa ilog na nagsasagwan si Ibyang.
Kuwento nga ng mga nakapunta sa Isabela na roon kinunan ang poster ngThe Greatest Love, sobrang hirap daw dahil nga ilang ulit silang nag-take dahil hinahabol ang sikat ng araw noong nakaraang linggo bago sumalakay ang bagyong Butchoy.
Hindi naman magkaka-problema sa taping ang The Greatest Love para sa cut-off time nila dahil walang bagets sa kuwento kaya walang sisita sa kanila na DOLE.
Speaking of Ibyang, ”ngaragan ang taping namin tiyak ng ‘Greatest Love’ kasi akala namin talaga August pa ang airing. Kaya hindi mo ako makakausap ng ilang araw n’yan,” sabi sa amin.
FACT SHEET – Reggee Bonoan
