HATAW! D'yaryo ng Bayan hatawtabloid.com
NOONG nakaraang taon pala pumirma ng kontrata niya sa ABS-CBN si Angel Locsin kaya hindi totoo ang tsikang babalik siya sa GMA 7.
Tinext namin si Angel kung nag-renew na siya ng kontrata niya sa ABS-CBN.
“Hi ate, yup-yup, two years (kontrata) ‘yung pinirmahan ko.”
Hindi kasi nabalitaan o wala kaming matandaang kinober ito ng media, “late last year (pumirma) po,” sagot ng aktres.
Ano ang bago niyang project sa Dos? “Hindi pa po ako puwedeng magserye kasi po nagpapagaling pa po ako,” sabi ni ‘Gel.
Gagawa raw ng pelikula sa Star Cinema si Angel pero hindi pa niya alam ang titulo at wala pa ring direktor dahil pinag-uusapan pa lang.
Samantala, napanood namin ang interview ni Marie Lozano ng TV Patrol kay Angel tungkol sa tsikang may relasyon ang ex-boyfriend niyang si Luis Manzano kay Jessy Mendiola at mapakla ang ngiti ng dalaga.
At ang sagot ni Angel ng hingan siya ng reaksiyon, “kung sila nga hindi nagre-react, anong ire-react ko?” hirit ng dalaga.
Nasa period of moving on si Angel sa paghihiwalay nila ni Luis at hindi naman daw ganoon kadaling mawala ang nararamdaman niya para sa dating karelasyon kaya kapag may nababalitaan siya tungkol sa aktor ay naaapektuhan pa rin siya.
Sabi ng aktres sa tanong kung naka-move on na siya, “getting there.”
At maski na nakitang nag-uusap noon sina Angel at Luis sa Pilipinas got Talent Season 5 ay hindi pala sila okay, “ngayon, honestly hindi ko alam, ako naman kasi, I always make him to be happy, so kung happy siya, magiging happy na rin ako para sa kanya.
“Ganoon naman ako, hindi ko kayang magtago, sinasabi ko talaga ang nararamdaman ko,” sabi ng aktres.
FACT SHEET – Reggee Bonoan
