HATAW! D'yaryo ng Bayan hatawtabloid.com
SA DARATING na Hunyo 11, 2016, araw ng Sabado ay tatlong malalaking karera ang hahataw sa karerahan ng Metro Manila Turf Club Inc., Malvar, Batangas.
Lalarga dito ang 2nd Leg “Triple Crown Stakes Race na may distansiyang 1,800 meters. May guaranteed prizes na P3,000,000 at ito ay hahatiin sa mga sumusunod: Tatanggap ang may-ari ng P1,800,000 sa mananalong kabayo, sa segundo ay P675,000, sa tersero ay P375,000 at sa pang-apat na darating sa finish line ay P150,000.
Ang mga nominadong tatakbo sa karerang ito ay ang Dewey Boulevard, Guatemela, He He He, Indianpana, Radio Active, Underwood, Space Needle, Spectrum at Subterranean River.
Aarangkada rin sa araw na ito ang 2016 Philracom Hopeful Stakes Race sa distansiyang 1,800 Meters.
Ang maglalaban-laban dito ay ang Homonhon Island, Mount Iglit, Pinagtipunan, Pinay Pharaoh, Secret Kingdom, Striking Colors at Tagapagmana.
Bibitawan din ang 2016 Philracom 3YO Locally Bred Stakes Race sa distansiyang 1,800 Meters. Mga Nominadong tatakbo dito ang Garlimax, Pangarap, Play It Safe at Real Flames.
oOo
Isang horse owner na regular na nagpupunta sa Savory OTB sa may Earnshaw st., Sampaloc, Maynila ang binastos ng isang waiter.
Oorder sana ng makakain si Mr. Lito Testa sa isang waiter na may pangalan NERIO. Nang tawagin niya si Nerio upang umorder ay nakasimangot at padabog na humarap kay Mr. Testa.
“Oorder ka Ba”? Hindi ako naka-assign dito. Tumawag ka na lang ng ibang waiter padabog na sinagot ni Nerio kay Mr. Testa.
Pinatawag ni Mr. Testa ang manager ng Savory OTB and Restaurant na nakilalang si Ms. Carmen Landicho upang isumbong ang ginawang pambabastos sa kanya ni Nerio.
Hindi niya nakausap ito dahil marami raw ginagawa.
Humarap kay Mr. Testa ang isang staff ng Savory OTB and restaurant na si Ms. Let Espiras. Sinabi niya dito ang ginawang pambabastos na ginawa sa kanya ni Nerio.
Sa MANAGEMENT ng SAVORY OTB & RESTAURANT dapat maging magalang at hindi BASTOS ang mga WAITER ninyo sa mga CUSTOMER!
DEAD HEAT – Freddie Mañalac
