Ginang utas sa ratrat sa Rizal

PATAY ang isang 37-anyos ginang makaraan tadtarin ng bala ng dalawang suspek sa harap ng kanyang bahay sa Rodriguez, Rizal kamakalawa ng gabi.

Kinilala ni Supt. Resty Damaso, chief of police ng Rodriguez PNP, ang biktimang si Nomelita Patigayon, may-asawa, walang trabaho, nakatira sa Blk. 2, Lot 37, Double-L, Brgy. San Isidro.

Sa imbestigasyon ng pulisya, dakong 7:45 p.m., nakatambay ang biktima sa gilid ng kalsada sa harap ng kanyang bahay nang dumating ang dalawang suspek at siya ay pinagbabaril.

Agad tumakas ang mga suspek nang matiyak na patay na ang target lulan ng motorsiklong walang plaka.