P1-B liquid shabu nakompiska sa Pampanga

UMAABOT sa P1.1 bil-yong halaga ng mga kemikal na sangkap sa paggawa ng ilegal na shabu ang nakompiska sa pagsalakay sa isang shabu laboratory sa Angeles Cty, Pampanga kahapon.

Bitbit ang search warrant, hinalughog nang pinagsanib na puwersa ng PDEA Central Luzon at AIDG (Anti ILLegal Drug Group) ng Crame, ang bahay na inookupahan ni alyas Chang, isang Chinese national, sa 2-7 Don Vicente St., Villa Dolores, Brgy. Sto. Domingo sa nasabing lugar.

Nakompiska ng mga awtoridad ang iba’t ibang kemikal at kagamitan sa paggawa ng shabu, 45 galons ng liquid shabu, 4 freezer, hydrogen tanks, at higit kumulang dalawang kilo ng shabu na sinusuri na sa laboratoryo ng PDEA.

Sa report ni Director Gladys Rosales ng PDEA 3, bandang 8:40 a.m. pinasok ng mga awtoridad ang target ngunit walang tao ang bahay na pag-aari ni Atty. Orlando Pangilinan, at nirerentahan ni Chang at kasamahang Taiwanese, mula Hulyo 10, 2015 hanggang Hulyo 9, 2016.

Ang shabu laboratoryo ay nasa kategorya bilang mega-industrial shabu lab na nakagagawa ng 50 kilos ng shabu sa isang production cycle, ayon kay Rosales.