HATAW! D'yaryo ng Bayan hatawtabloid.com
HAPPY si Carmi Martin sa kaniyang role sa “Love Me Tomorrow.” Ginagampanan niya ang bestfriend ng bidang si Dawn Zulueta at taga-udyok na pumatol sa boylets na mas bata sa edad na ginagampanan ni Piolo Pascual.
Excited na kuwento ni Ms. Carmi sa latest movie niya sa Star Cinema, napahinga raw siya sa madalas gampanang role na mother o kaya tita.
At feel na feel raw niya ang mga eksena nila ni Dawn na light lang at ini-enjoy ang buhay sa pakikipagrelasyon sa bagets.
Puring-puri niya ang kabaitan ni Papa P at wala raw siyang masabi sa actor na mahusay makisama at very professional sa kanyang trabaho.
Nang amin namang tanungin ang actress, kung minsan ba sa buhay niya ay pumatol siya sa guy na mas younger sa kaniya.
Walang kaabog-abog kami nitong sagot, noong kalandian days raw niya ay may pinatulan siya pero fling lang daw.
Kapansin-pansin na tulad ni Dawn ay ageless beauty rin si Carmi kumbaga may dating pa rin sila tulad ng co-star nilang si Coleen Garcia.
‘Yung body niya ay mahirap raw talaga i-maintain pero dahil kailangan sa trabaho ay nag-i-effort siyempre siya na gawan ito ng paraan. At thankful naman ang dating Dolphy Angels dahil slim pa rin siya.
Nagkatrabaho na pala noon sina Carmi at Dawn sa To Saudi With Love. Nakasama ng dalawa sa pelikula si Alice Dixson. Graded B ng Cinema Evaluation Board ang Love Me Tomorrow at dinumog ang mall show ng lead and supporting cast ganoon na rin ang kanilang red carpet premiere na ginanap naman kagabi sa SM Megamall Cinema 7.
Showing na ito over 300 cinemas nationwide and this is directed by Gino M. Santos.
Hala sugod na at nood na gyud!
Martina Ona May CD ALBUM na
Napaka-supportive ng parents ng Sarah Geronimo ng Barcelona Spain na si Martina Ona.
Noong magbakasyon dito sa Pinas si Martina para tuparin ang kanyang committment ay sinamahan siya ng kanyang ma-PR na mother. At ‘yung alok sa kanilang one night show with Tyrone Oneza ay dahil may talent at mahusay na concert performer ay nasundan pa ng ilang concerts.
Ngayon, in-demand si Martina sa mga show sa Barcelona, Spain at paborito siyang kuning frontliner sa yearly Independence Day event sa lugar. Hindi nawawalan ng project ang young Diva na binansagang Popstar Princess ng Barcelona at nakasama na rin ang ilan sa ating malalaking artist tulad ni Gabby Concepcion at Isabel Granada.
Feeling fullfilled si Martina, dahil natupad na ang matagal na niyang dream na magkaroon ng solong CD Album. Release na ang dalawang english songs nito na “Doorstep” at “Beyond” na composed by Mr. Joshua Carlos Madrid-Bactol at produce naman ni Mr. Juan Castillo.
Malapit na rin itong marinig at ma-download sa iTunes. Mapapakinggan na rin ang mga awitin niya sa Bangis FM at Raydio Filipino sa Tokyo, Japan.
VONGGANG CHIKA! – Peter Ledesma
