HATAW! D'yaryo ng Bayan hatawtabloid.com
DINEPENSAHAN ni Nadine Lustre si James Reid ukol sa umano’y pagiging playboy nito kahit girlfriend na siya ng actor.
Sa interbyu ni Boy Abunda kay Nadine sa Tonight with Boy Abunda, noong Martes, sinabi ni Nadine na, ”Hindi naman playboy. Regarding the video, ‘yung mga naroon naman po sa video, kilala ko naman po kung sino ‘yung mga nasa car,” giit ni Nadine.
Tinuran ito ng dalaga kasunod ng paglabas ng isang video na pinagkakaguluhan ngayon sa social media na nagpapakita na may kasamang dalawang babae si James sa loob ng isang kotse.
Sinabi ni Nadine na walang masama sa ginawa ni James dahil kilala niya ang mga babaeng iyon.
Nagpahayag din ng saloobin si Nadine ukol sa mga hindi naniniwala sa kanilang relasyon. ”If ayaw nilang maniwala, it’s up to them. Basta ang importante po, me and James, we know what’s real and we know the truth. That’s what’s important,” giit pa ng aktres na muling mapapanood sa pelikulang This Time kasama muli si James handog ng Viva Films.
Bukod sa This Time na mapapanood na sa May 4, mayroon ding series of concert sina Nadine at James sa US at Canada.
SHOWBIZ KONEK – Maricris Valdez Nicasio
