No tsunami threat sa PH Ecuador quake, 77 patay

AGAD pinawi ng Philippine Institute of Volcanology and Seismology (Phivolcs) ang pangamba ng publiko sa posibleng tsunami threat kasunod ng magnitude 7.8 lindol na tumama sa Ecuador.

Ayon sa Phivolcs, bagama’t napakalakas ng lindol ay malayo sa Filipinas ang epicenter nito.

“No destructive Pacific-wide threat exists based on the historical and tsunami data,” saad ng ahensya.

Posible lamang anila na magkaroon ng tsunami sa mga lugar na 300 kilometers ang lapit sa epicenter ng lindol.

Nangyari ang nasabing pagyanig na may lalim na 10 kilometro, sa baybayin ng Ecuador dakong 7:59 a.m, oras sa Filipinas.

Humantong ang insidente sa 77 kataong namatay.

Nabatid, nagbabala ang Pacific Tsunami Warning Center sa posibilidad na magkaroon ng tsunami kasunod ng lindol sa Ecuador kaya inalerto ang kalapit bansa nito na Colombia.