Kasambahay binugbog, amo kalaboso

SWAK sa kulungan ang isang lalaki makaraan bugbugin ang 23-anyos niyang kasambahay dahil sa ilang linggong hindi pagpasok sa trabaho sa bahay ng amo sa nasabing lungsod.

Ayon sa pagsusuri ng Pasay City General Hospital, ang biktimang si Erwina Carolina ay nagkaroon ng hematoma o pamumuo ng dugo dahil sa pagbugbog sa kanya.

Samantala, nakapiit na sa detention cell ng pulisya ang suspek na si Bobbie Jazz Zacarias, ng 1979, Leveriza St., Brgy. 21, Zone 2, Pasay City.

Ayon sa ulat sa tanggapan ni Pasay Police chief, Sr. Supt. Joel B. Doria, naganap ang pananakit kay Carolino dakong 12:30 a.m.sa bahay ng suspek.

Napag-alaman, ilang linggong lumiban sa trabaho ang biktima dahil hindi siya pinasuweldo ng amo.

Ngunit nang bumalik sa bahay ng amo ay nagalit si Zacarias at siya ay binugbog.

Makaraang magpagamot sa ospital ay inireklamo ng biktima sa Women’s and Children Protection Desk (WCPD) ng Pasay City Police ang suspek na agad inaresto ng mga awtoridad.