HATAW! D'yaryo ng Bayan hatawtabloid.com
PITO katao ang naaresto ng mga awtoridad, kabilang ang dalawang babae, makaraang mahuli sa aktong gumagamit ng ipinagbabawal na droga sa isang drug den sa Valenzuela City kamakalawa ng gabi.
Kinilala ang mga suspek na sina Marvin Rivamonte, 30; Julius Dizon, 25; Reccar Braga, 20; Edmar Bayanay, 32; Paul Vincent Funa, 23; Joan Saligan, 32, at Rhoda Garcia, 43-anyos.
Ayon sa ulat ng Station Anti-Illegal Drugs-Special Operation Unit (SAID-SOU) ng Valenzuela City Police, dakong 11 p.m. nang maaresto ang mga suspek sa bahay na hinihinalang drug den sa 21-B Pinagbayanan St., Willex Compound, Brgy. Lingunan ng nasabing lungsod. Agad nagsagawa ng operasyon ang mga awtoridad makaraang makatanggap ng tip hinggil sa pagkalat ng droga sa lugar.
