50-anyos kelot tumalon sa ilog, nalunod

NALUNOD ang isang 50-anyos hindi nakilalang lalaki na tadtad ng tattoo sa katawan makaraang tumalon sa Ilog Pasig kamakalawa ng gabi.

Ayon sa awtoridad, dakong 8 p.m., nakitang tumatakbo ang biktima na tila may humahabol ngunit pagsapit sa Westbank Road ay tumalon sa ilog.

Mabilis na naghagis ng styro ang mga barangay tanod ng Brgy. Rosario sa tapat ng lalaki para siya makaligtas ngunit hindi kumapit dito ang biktima na unti-unting lumubog.

Inaalam pa ng mga awtoridad ang ulat na snatcher ang biktima dahil wala anilang report na may naganap na nakawan sa lugar.