Hustisya sa Malaysian na pinugutan ng ASG (Sigaw ng pamilya)

UMAASA ang pamilya ng Malaysian hostage na si Bernard Then Ted Fen na agad maiuuwi sa lalong madaling panahon ang kanyang bangkay makaraang pugutan ng Abu Sayyaf group (ASG).

Ayon sa kanyang kapatid na si Christopher, nananawagan siya sa gobyerno ng Malaysia at sa Filipinas na mas palawakin pa ang paghahanap sa naiwang bangkay ng kanyang kapatid.

Dagdag niya, nananalig at nagpapatuloy silang nagdara-sal sa nakalipas na 188 araw kasabay ng masasamang balita na kanilang natatanggap hinggil sa kalagayan ng kanilang kapatid bagama’t bigo silang maisalba sa kamatayan ang kaanak.

Hustisya ang hinihingi ng pamilya ni Fen laban sa mga responsable sa kanyang pagpatay.

Dagdag ni Christopher, makatatanggap naman sila ng pinansiyal na tulong mula sa gobyerno ng Filipinas.