HATAW! D'yaryo ng Bayan hatawtabloid.com
DAHIL sa pagiging honest at pagtanggap nila ng pagkatalo, gusto naming hangaan si Vice Ganda and the It’s Showtime host.
Tama naman ang kanyang tinuran na hindi nila basta matitibag ang Eat Bulagalalo ngayong defined na defined ang pagka-phenomenal ng AlDub.
Pero sa kabilang dako, sana ay narinig din namin ang ibang hosts ng show kung paanong ang mga host ng Eat Bulaga ay marunong mag-give way sa mga co-hosts nilang nagsa-shine o nagmo-moment sa tamang panahon.
‘Yun marahil Mareng Maricris ang isang malaking kaibahan ng EB sa It’s Showtime dahil kahit itanong pa natin kina Tito, Vic and Joey, never nilang minanipula o sinolo ang buong show. Ano pa at tinawag kang “hosts” ng show kung iisa lang naman ang laging nagsasalita at nagbibigay ng opinyon para sa grupo?
Kumbaga sa sugal ateng, mahirap kalabanin ang “suwerte”.
Kahit ano pa ngang pagta-tumbling, pagkain ng apoy, pagtulay sa alambre o pag-belly dancing ang gawin nina Vice and company, may bitbit na suwerte ang AlDub ng Eat Bulaga na kahit nga anino pa lang ay nagti-trending na.
No wonder, muli itong nakapagtala ng world record sa Twitter at kinabog pa nito ang dating number one sa buong mundo.
At kung totoo ang nabalitaan naming tsismis na tinaningan na umano ng hanggang December ang It’s Showtime, aba’y sinusuwerte nga ng bongga ang EB?
AMBETIOUSLY – Ambet Nabus
