Fans nina Ser Chief at Jodi, umalma sa usaping ‘di na malakas ang tambalan ng dalawa

PAPAUMPISA palang naming tipahin ang balitang ito ay may tumawag nang may scheduled meeting si Kris Aquino sa Star Cinema big boss na si Ms Malou N. Santos kagabi kaya wala pa kaming update kung ano ang resulta ng nasabing pag-uusap.

Nabanggit pa ng tumawag sa amin, ”inaayos nila (Star Cinema at Kris) kasi baka hindi puwede sina Richard (Yap) at Jodi (Sta. Maria).”

Ngarag daw kasi sa tapings ng Pangako Sa ‘Yo si Jodi samantalang si Richad ay may bagong project pagkatapos ng Nasaan ka Nang Kailangan Kita na patapos na pala sa Biyernes na buong akala namin ay sa December pa.

At nang mabasa ng loyal supporters nina Ser Chief at Maya na posibleng sila ang ipalit ay talagang nagbunyi sila at hindi sila nag-agree sa isinulat naming baka hindi na tangkilikin dahil nga si Ian Veneracion na ang leading man ngayon ni Jodi sa PSY.

Sabi ng loyalistang fans nina Richard at Jodi.

Galing kay @cyberchwirrer, ”@bonoanbangus I would also like to express my opinion about the Richard-Jodi tandem. They may not be together in a project now but they still have a big fan base. We may have supported them in their ‘team-ups’ with Ian (Veneracion) and Vina (Morales) but our loyalty remains with them. We, the Jo-Chards, have been consistent in clamoring for their reunion project. Our requests are all over social media. Now, if you’ll ask my opinion as to whether a Richard-Jodi will still be a hit- YES, without a doubt. Thank you for your time. I just hope we correct all misinformation and that you value our opinion.”

Sabi rin ni @astetiks, ”@bonoanbangus Nu’ng ASAP po sa Binan, mas nagka-impact pa sa fans ang picture nina Richard & Jodi than the performance of Jodi and Ian.”

At naki-ayon naman ang ibang supporters nina Richard at Jodi na hindi na namin ilalagay dahil baka maubusan kami ng espasyo dahil iisa naman ang sabi nila,”Agree, libo-libo na ang likes at reposts ng Jodi-Richard picture na ‘yun.”

FACT SHEET – Reggee Bonoan