Richard at Jodi, ipapalit kina Kris at Bistek sa Star Cinema movie

TOTOONG ikinokonsidera sina Richard Yap at Jodi Sta. Maria na kapalit sa pelikula nina Kris Aquino at Quezon City Mayor Herbert Bautista na entry ngStar Cinema sa 2015 Metro Manila Film Festival.

Kuwento ng aming source sa ABS-CBN, ”still checking the availability of Richard and Jodi kasi they’re both busy tapings serye, so hindi pa sure.”

Parehong may serye raw kasi sina Richard at Jodi na umeere ngayon kaya kung kakayanin ng schedules ay puwedeng sila nga ang ipalit, ‘pag hindi, eh, wala pa raw naiisip ang Star Cinema at baka nga magmulta na lang sila dahil sa pag-urong ni Kris Aquino.

Sabay tanong sa amin ng taga-Dos, ”ano sa tingin mo, mainit pa ba ang tambalan nina Richard and Jodi?

Sabi namin, ‘mas mainit kung sina Jodi at Ian Veneracion dahil sila ang loveteam ngayon sa PSY at maraming kinikilig sa kanila ngayon.

“’Yung Richard as Ser Chief and Jodi as Maya ay lipas na.”

Na inoohan din naman kami ng aming kausap, ”pero baka naman puwede pa,”hirit ulit.

FACT SHEET – Reggee Bonoan