Libreng bakuna ng DOH panganib sa kalusugan ng mga mag-aaral?!

ISANG batang lalaki ang dumaranas ngayon ng isang hindi maipaliwanag na karamdaman matapos tumanggap ng libreng bakuna mula sa Department of Health (DoH).

Ang biktima, kinilalang si Miguel Manalo Bañas, estudyante ng Librada Avelino Elementary School sa Sunog Apog, Gagalangin, Tondo, Maynila ay kasalukuyang dumaranas ng Steven Johnson syndrome at nanatili sa Jose Reyes Memorial Medical Center (JRMMC).

Naniniwala ang pamilya ng batang si Miguel na nakuha niya ang nasabing sakit matapos turukan ng chicken pox vaccine.

Ang pagtuturok ay bahagi ng proyekto ng DoH sa mga pampublikong eskuwelahan.

Pero mariing itinatanggi ng DoH na ang libreng chicken pox vaccine ang dahilan ng pagkakasakit ng batang si Miguel.

Hindi natin maintindihan kung bakit outright ang pagtanggi ng Health Department sa kaso ng batang si Miguel.

‘Yun bang tipong hindi pa naiimbestigahan nang husto ay agad nagpalabas ng pagtanggi ang DOH. At ang pagtangging ito ay patuloy nilang ginagawa sa pamamagitan ng media.

Sa ganang atin, hindi dapat ganito ang attitude ng DOH.

Pinakamaganda sigurong ang sagot ng DOH ay paimbestigahan muna ang nasabing insidente para sigurado sila sa kanilang isasagot sa pamilya ng biktima.

Paano kung ng chicken pox vaccine talaga ang dahilan?

Paano ang iba pang nabakunahan at ang balak pang bakunahan?!

Hindi ba’t si dating Health Secretary Enrique Ona ay naindulto dahil sa bakuna?

E baka naman si Health Secretary Janet ‘another pabebe’ Garin ‘e sa bakuna rin madale?

Isa pang tanong: Bakit HINDI man lang nagpapakita ng suporta ang DOH sa batang naka-confine ngayon sa JRMMC?

Kumakatok po ang ina  ni Miguel sa inyong mga puso…

Ang bata ay kasalukuyang naka-confine sa JRRMC at ang kanyang ina na si Aina ay madaling makokontak sa 09288430223. Habang si Manuel ay nasa 3rd floor ng Pedia Ward, Jose Reyes Memorial Hospital.

Tulungan po natin sila sa iba’t ibang anyo hanggang  maparusahan ang mga dapat maparusahan.

Para sa mga reaksiyon, suhestiyon, reklamo at sumbong, magtext sa 0927.590.91.27 o mag-email sa [email protected]. Para sa mga nakaraang isyu ng BULABUGIN please visit https://hatawtabloid.com