13-anyos bebot ginahasa ng ex-BF (Ganti sa break-up)

NAGA CITY – Swak sa kulungan ang isang tricycle driver makaraang halayin ang ex-girlfriend niyang 13-anyos sa Tiaong, Quezon.

Kinilala ang suspek na si Virgilio dela Cruz, 28-anyos.

Ayon sa ulat, habang naglalakad ang biktimang itinago sa pangalang Anabelle, nang biglang harangin ni Dela Cruz.

Tinutukan ng kutsilyo ang biktima at sapilitang pinasakay sa minamanehong tricycle saka dinala sa isang bahay at doon hinalay.

Nabatid na dating magkasintahan ang dalawa ngunit nakipaghiwalay ang dalagitan makaraang malaman na may pamilya na si Dela Cruz.

Sinubukan pang tumakas ng suspek ngunit naabutan siya ng mga awtoridad at nahuli.

Nahaharap ang suspek sa kasong paglabag sa R.A. 7610 (Child Abuse).