Lim umaani ng suporta sa Manilenyo

NAGPAHAYAG ng suporta ang mga residente ng Maynila sa muling pagtakbo ni dating Manila Mayor Alfredo Lim upang maluklok muli bilang alkalde. 

Ilang distrito ang dinalaw ni Lim kahapon ng umaga at namigay ng wheelchairs sa mga nangangailangan. Masaya ang mga residente sa pagdalaw ng dating alkalde at sinuportahan ang kanyang planong pagbabalik sa puwesto.

Kasama ni Lim sa paghahatid ng mga wheelchair  ang negosyante at pilantropo na sina RJ Yuseco, retired Chief Insp. Mar Reyes, at Barangay Chairman Mean Arboleda ng Brgy. 273, Zone 25,  District 3.

Kabilang sa nabiyayaan ng wheelchair ay si Corazon Conchas, 56, ng Delpan, Binondo, naputulan ng paa dahil sa komplikasyon sa sakit na diabetes.

Dinagsa ng mga taong tagasuporta ang pagdalaw ni Lim sa kani-kanilang lugar na pawang nagsasabing kailangan na niyang bumalik bilang mayor ng lungsod.