Lamang ang Mahindra sa naging trade

MAGANDA  na rin ang nauhang kapalit ng Mahindra (dating KIA) para kay Troy Rosario na siyang naging No. 2 pick sa 2015 PBA Draft na naganap sa Robinson’s Place Manila dalawang Linggo a ang nakalilipas.

Three for one ang nangyari.

Napunta sa Mahindra ang mga beteranong sina Rob Reyes, Aldrech Ramos at Nino Canaleta kapalit ni Rosario.

May nagsasabi na malaki sana ang potential ni Rosario na miyembro ng National University Bulldogs na nagkampeon sa UAAP noong nakaraang taon. Si Rosario, isang 6-7 center-forward, ay naglaro para sa Hapee Toothpaste at sa national team na nagkampeon sa Singapore Southeast Asian Games. Kasalukuyang miyembro siya ng Gilas Pilipinas 3.0.

Pero siyempre, kung si Rosario lang mag-isa, malamang na hindi niya mabuhat ang Mahindra na naghahangad na makaangat buhat sa mababang ranking noong isang taon.

Mahirap na iatang sa balikat ng isang rookie ang ganitong responsibilidad. Medyo matatagalan bago niya maihatd sa tagumpay ang Mahinra.

Kaya naman pumayag na sa trade ang Mahindra. Inaprubahan naman ni commissioner Chito Narvasa ang three-way trade na kinapalooban ng Talk N Text at NLEX. Napunta si Rosario sa Talk N Text samantalang nakuha ng NLEX si Kevin Alas na naglaro sa kanila noon sa PBA D-League.

Kung titignan mabuti ang trade, aba’y nakalamang ang Mahindra. Kasi nga’y rookie at wala pang pruweba si Rosario. Malalaking manlalaro naman sina Reyes, Canaleta at Ramos.  Si Reyes ay isang mahusay na defender, si Canaleta ay Slam Dunk champion at  three point shooter. Si Ramos ay original member ng Gilas pilipinas.

Tiyal na mapakikinabangan kaagad ang tatlong ito at makakatulong sa pag-angat ng Mahindra.

SPORTS SHOCKED – Sabrina Pascua