Thursday , March 30 2023

Star tatapusin ng Bolts

TATAPUSIN na ng Meralco Bolts ang misyong pagbalik sa Finals ng PBA Governors Cup at isasakatuparan na nila ito sa pamamagitan ng pagtudla ng panalo kontra sa Star Hotshots sa Game Three ng kanilang best-of-five semifinals series mamayang 7 pm sa Smart Araneta Coliseum sa Quezon City.

Nakakalamang ang Bolts sa serye, 2-0 matapos na magwagi sa unang dalawang laro.

Nakabakik sila sa 17 puntos na kalamangan ng Hotshots sa simula ng Game One upang manalo, 72-66 noong Linggo.

At noong Martes ay hindi na nila hinayaang makaarangkada ang kalaban upang makaulit sa mas convincing na paraan, 98-74.
Kung muli silang mamamayani mamaya ay tutulak na sila sa best-of-seven championship round kontra sa magwawagi sa kabilang serye sa pagitan ng TNT Katropa at defending titlist Barangay Ginebra.

Magugunitang nakatapat ng Bolts ang Gin Kings sa Finals noong nakaraang taon subalit natalo, 4-2.

Umaasa si coach Norman Black na magdidiretso ang Meralco hanggang sa masungkit ang kauna-unahan nitong kampeonato.

Ang Bolts ay sumasandig sa reigning Best Import na si Allen Durham na sinusuportahan nina Cliff Hodge, Jared Dilinger, Chris Newsome, Baser Amer, Ranidel de Ocampo  at Reynell Hugnatan.

Kahit pa natalo sa unang dalawang games ay naniniwala si Star coach Chito Victolero na kaya pa nilang isalba ang sitwasyon at magwagi ng tatlong sunod.

Subalit mawawalan ng isang piyesa ang Hotshots dahil sa malamang na hindi makapaglaro si Paul Lee na nagtamo ng injury.
Ang Star ay pipiliting buhatin nina Kristoffer Acox, Marc Pingris, Mark Barroca, Ian Sangalang at Jio Jalalon.

ni Sabrina Pascua

About Sabrina Pascua

Check Also

George Clevic Daluz Golden Goggles swim series

Daluz ng Batangas tatlong medalyang ginto sa Golden Goggles swim series

PINANGUNAHAN ng tubong Batangas na si George Clevic Daluz ang limang promising tanker para sa …

Marian Calimbo

Cebuana chesser nakatutok sa Malaysia tourney

MANILA — Isang 20-anyos chess player mula Malabuyoc, Cebu ang nakatakdang lumipad sa Malaysia para …

SLP-PH humakot ng 61 medalya sa AOS tilt sa Thailand

SLP-PH humakot ng 61 medalya sa AOS tilt sa Thailand

HUMAKOT ang Swimming League Philippines – Team Philippines (SLP-PH) nang kabuuang 61 medalya, kabilang ang …

Buhain COPA Swimming

Suporta ng COPA sa ‘Stabilization Committee’ — Buhain

IDINEKLARANG tagumpay ang ikinasang National swimming tryouts ng Stabilization Committee na nilahukan ng 188 atleta …

Darren Evangelista Langoy Pilipinas

Top swimmers ng Langoy Pilipinas sasabak sa Guam

KASADO na ang programa para sa international exposure ng mga batang medalists at promising swimmers …

Leave a Reply

Your email address will not be published. Required fields are marked *