Wednesday , March 29 2023

Para malinaw at walang debate

PALAGI namang may debate hinggil sa mga calls and non-calls ng mga referees sa anumang laro  – basketball, football, boxing o iba pa.   

Ganoon talaga sa sport kung saan may mga referees na tao at hindi robots.(Wala pang ganito, e.)

Hindi naman kasi perpekto ang tao, Tinitimbang ng referees ang sitwasyon, ang mga pangyayari at ang anggulo ng kanilang nasaksihan.

E, hindi naman nila puwedeng makita ng 360 degrees ang lahat dahil sa paharap lang ang mga mata nila. Wala sa tagiliran at wala sa likuran. So hindi talaga nila makikita ang lahat ng nangyayari.

E, kahit na ang mga nanonood sa coliseum o sa arena ay hindi naman nakikita ang lahat. Makikita lang nila ang gusto nilang makita hindi ba?

So, goal tending ba o hindi ang ginawa ni Glen Rice sa dulo ng Game Three ng best-of-five semis ng TNT Katropa at Barangay Ginebra noong Biyernes?

Crucial kasi iyon dahil sa nabigyan ng technical free throw ang Gin Kings.

Ayon sa rule book, bawal sumabit sa ring. Kapag ginawa mo ito, goal tending o interference iyon.

Sumabit si Rice at wala namang nakaambang sahod sa kanya. So, tama ang tawag ng referees.

Ang tanong ko: Bakit pag si Arwind Santos ang lumambitin sa ring at tatapakan pa ang board ay hindi goal tending?

Pareho lang sumabit ha. Pero ‘for the fans’ ang ginagawa ni Santos.

So ano ang kaibahan niyon? Nasasaad ba sa rules iyon na kapag lumambitin ka sa ring para sa fans ay okay lang, Hindi technical?

Dapat kapag sumabit ka sa ring kahit kelan, technical ang tawag dun!

Para malinaw at walang debate.

SPORTS SHOCKED
ni Sabrina Pascua



About Sabrina Pascua

Check Also

Marian Calimbo

Cebuana chesser nakatutok sa Malaysia tourney

MANILA — Isang 20-anyos chess player mula Malabuyoc, Cebu ang nakatakdang lumipad sa Malaysia para …

SLP-PH humakot ng 61 medalya sa AOS tilt sa Thailand

SLP-PH humakot ng 61 medalya sa AOS tilt sa Thailand

HUMAKOT ang Swimming League Philippines – Team Philippines (SLP-PH) nang kabuuang 61 medalya, kabilang ang …

Buhain COPA Swimming

Suporta ng COPA sa ‘Stabilization Committee’ — Buhain

IDINEKLARANG tagumpay ang ikinasang National swimming tryouts ng Stabilization Committee na nilahukan ng 188 atleta …

Darren Evangelista Langoy Pilipinas

Top swimmers ng Langoy Pilipinas sasabak sa Guam

KASADO na ang programa para sa international exposure ng mga batang medalists at promising swimmers …

Eric Buhain swimming

Buhain nanghimok makilahok sa PH swimming tryouts

HINIKAYAT ni swimming legend Batangas 1st District congressman Eric Buhain ang lahat ng Filipino swimmers …

Leave a Reply