5 patay, 1 missing sa Batangas fire

 LIMA ang patay at isa ang nawawala sa naganap na sunog sa Taal, Batangas kamakalawa ng madaling-araw.

Ayon kay Taal PNP Chief Inspector Apolinario Lunar, may limang bangkay na ang kanilang natagpuan ngunit hindi na nila makilala dahil sa sunog na sunog ang mga katawan.

Ngunit ayon sa nakaligtas na si Gerry Paz, anim aniya ang alam niyang naiwan sa loob ng kanilang kwarto na nasunog.

Nagsimula aniya ang sunog sa isang bakery sa tapat ng kanilang bahay sa Brgy. Bihis, Batangas dahil sa nag-spark na linya ng koryente.

Ayon sa report, dakong 2:30 a.m. nagsimula ang sunog at naapula dakong 4 a.m.

Inaalam pa ng SOCO ang pagkakakilanlan ng narekober na mga bangkay.