Kelot tigok sa hit & run ng 2 kotse

AGAD binawian ng buhay ang isang lalaki makaraan mabundol ng dalawang kotse sa Boni Serrano, Katipunan-bound, sa kanto ng 19 Putol St., Murphy, Cubao, Quezon City kahapon.

Ayon kay BPSO Richard de Ticio, isang residente ang humingi ng tulong upang madala sa pagamutan ang biktima ngunit bago dumating ang ambulansiya ay wala na siyang buhay.

Kinilala ang biktimang si Von Lester Garcia, residente sa P. Tuazon, Project 4, Quezon City.

Sinabi ni De Ticio, ayon sa testigo ang biktima ay sumusuka sa gitna ng kalsada nang mabundol ng dalawang rumaragasang sasakyan na patungo sa Katipunan.

Hindi nakuha ng mga residente ang plaka ng dalawang sasakyang nakabundol sa biktima na agad binawian ng buhay makaraan ang insidente.