HATAW! D'yaryo ng Bayan hatawtabloid.com
Bukod sa Doble Kara, Ningning, Nathaniel at Pangako Sa‘Yo nina Daniel Padilla at Kathryn Bernardo. Isa sa teleseryeng addicted talaga kami sa pagtutok gabi-gabi sa love-serye ng Jadine loveteam nina James Reid at Nadine Lustre na “On The Wings of Love.”
Honest, kahit na ‘di kami bagets, ay pinakikilig kami nang husto ng JaDine. Ibang klase kasing magpakilig ng TV viewers si James, na suwabe at cute ang dating. Lalo na sa mga eksenang iniinis at pinapatulan talaga ang pinakasalang si Leah (Nadine) para magkaroon ng green card at makapagtrabaho nang tuluyan sa Amerika upang makatulong sa pamilya sa Filipinas lalo na sa Tatang (Joel Torre) na may sakit sa puso. Kahit galit na kasi ang aktor, gwapong-gwapo pa rin siya sa TV at hindi talaga pagsasawaan ang character niya bilang si Clark na malungkot rin ang kabataan na lumaki sa San Francisco na hindi kinikilala ng amang Amerikano, kaya patuloy siyang nakikipagsapalaran sa bansa ni Uncle Sam para sa mga umaasang kapatid sa Pinas. Kasama niyang lumaki ang kanyang Tita Jack (Cherry Pie Picache) na hanggang ngayon ay umaalalay sa kanya. Naku, ngayong unti-unti nang nahuhulog ang loob ni Clark kay Leah, siguradong pati kayo ay mai-inlove rin sa nasabing hottest loveteam.
Wala kaming nakikitang labtim na pwedeng gumanap sa mga role nina James at Nadine sa On The Wings of Love dahil sila lang talaga ang mga nababagay rito. Ang ganda ng batuhan nila sa serye at umaapaw talaga ang chemistry nila sa isa’t isa.
Ang blockbuster at kilalang hugot queen ng pelikula na si Antoniette Jadaone ang director ng OTWOF Love na napapanood gabi-gabi sa ABS-CBN Primetime Bida after Pangako Sa‘Yo.
VONGGANG CHIKA! – Peter Ledesma
