Gerald, pinupuri ang galing sa Pedro Calungsod

NOONG isang gabi ay isa si Gerald Santos sa mga dumalo sa birthday celebration ng kaibigan naming sikat na movie reporter na si  Roldan Castro at makikita mo pa rin ang kanyang kababaang-loob.

Kumanta siya ng dalawang kanta, at ang huli niyang kinakanta ay ang song na kanyang ipino-promote niya ngayon, ang Sa ‘Yo Lang at napapanood na rin sa Myx ang MTV ng kanta na kasama niya ang magandang si Danita Paner.

Sa August 30 ay muling mapapanood si Gerald sa entablado via the stage play na Pedro Calungsod na medyo matagal-tagal na ring ginagampanan ni Gerald, ang huli ay sa isang school sa Mindanao last week lang na dinumog talaga si Gerald ng mga estudyante. Literal na kinuyog siya ng mga estudyante na gustong magpa-autograph at sa August 30 naman ay sa Dela Salle, Dasmarinas ito magtatanghal.

Bukod sa stage play na Pedro Calungsod, madalas ding kunin si Gerald sa mga show dahil  hindi naman abot-langit ang presyo niya at madali namang kausap ang kanyang manager na si Cocoy.

Hindi ko pa napanood ang Pedro Calungsod at sana’y mapanood ko ito soon.

MAKATAS – Timmy Basil