Luis, asset ng The Voice Kids

MAY sakit ang ampon naming si Luis Manzano kaya noong Saturday sa The Voice Kids ay wala ito. Pati ‘yung Sunday ASAP ay waley din siya kaya’t na-miss talaga namin ang kakaibang ‘anghang-tamis-asim’ ng mga spiel niya on both shows.

Sa The Voice Kids ay isa siya sa mga major reason kung bakit click na click ang show. Kung mahuhusay umawit ang mga bagets doon at napaka-passionate ng mga coach, wala ng tatalo sa kakuwelahan ni Luis.

Nang pansinin namin na ‘yun ang kulang kay Robie Domingo na siyang naging main host ng The Voice Kids last Saturday, sinabi nitong, “baka kulang na rin kasi sa oras. Tina-try nilang i-compress at gawing faster-pacing ang show sa rami ng commercial loads. Pati nga comments ng mga coach , maiigsi lang.”

Well, kayo nga naman ang maging number one show sa buong ABS-CBN na balitang mas mataas ang rate ng mga commercial kompara sa iba. ‘Yun na!

AMBETIOUSLY – Ambet Nabus