HATAW! D'yaryo ng Bayan hatawtabloid.com
LABIS ang pagkagulat at kasiyahan ng Regal matriarch na si Mother Lily Monteverde sa sorpresang pagdating nina DILG Secretary Mar Roxas at misis na si Korina Sanchez-Roxas sa kaarawan ng una na isinagawa sa Valencia Gardens ni Mother sa San Juan.
Hindi kasi inaasahan ni Mother Lily na dadalo sina Kuya Mar at Ate Koring sa kanyang birthday bash na dinaluhan din ng mga sikat na artista, movie press, batikang direktor ng pelikula at telebisyon, mga kaibigan sa loob at labas ng idustriya, at marami pang iba.
Bagamat malapit si Mother Lily sa potensiyal na mga kandidato sa pagka-presidente para sa national elections sa 2016, very open at vocal siya sa pagsuporta kay Sec. Mar.
Maaalalang present si Mother Lily at ang kanyang anak na si Roselle Monteverde-Teo sa declaration ni Sec. Mar sa pagtakbo nito sa pagka-pangulo na isinagawa noon sa Club Filipino na inendoso siya ni PNoy sa ngalan ng Liberal Party.
“Naniniwala ako sa kalinisan, kakayahan, at karanasan ni Mar na mamuno sa ating bansa,” ani Mother Lily.
Tuwang-tuwa naman si Ate Koring sa suporta at pagmamahal na nakukuha nila mula kay Mother Lily,”Nakakataba naman ng puso na may isang katulad ni Mother Lily na isa sa mga haligi ng industriya ang naniniwala sa kakayahan ng aking asawa. Mahal na mahal niya kami and one thing is for sure, we love her back.”
Equally happy and honored naman si Sec. Mar sa overwhelming na pagmamahal ni Mother sa kanya.”Napakalaki ng respeto ko kay Mother Lily at pinahahalagahan ko ang kanyang paniniwala sa akin. Hindi ko sisirain ang tiwala niya sa akin sa pagpapatuloy ko sa daang matuwid.”
Talagang nagkaroon ng kakaibang kulay at kasiyahan ang birthday party ni Mother dahil sa presence nina Sec. Mar at Koring na bihirang dumalo sa mga function na magkasama. Game na game sina Sec. Mar at Koring sa pakikipag-chikahan at humihingi ng selfie sa kanila tulad ng mga bagong batch ng Regal babies, members ng entertainment press, at iba pang mga bisita.
SHOWBIZ KONEK – Maricris Valdez Nicasio
