Gelli, reyna na ng TV5 sa rami ng shows

HAPPY wife for real; Misterless on reel! ‘Yan ang mundong iniikutan ngayon ni Gelli de Belen. At sa telebisyon niya na gagampanan ang ikinasisiya ng buhay niya.

“Hindi naman kasi ako choosy. Kasi sa TV iba-iba naman ang mga tema ng offer. Hosting. Reality. Comedy. Although bakit ko naman tatanggihan ang magandang offer sa pelikula kung magkaroon. Minsan lang, I feel na kailangan ko magrepaso at baka may kalawang effect na. Haha! Nami-miss ko rin siyempre.”

Nabiro tuloy namin si Gelli na baka siya na ang maging Reyna ng TV5 at maya’t maya rin ang dating ng blessings sa kanya.

Pero ang ‘di niya makalilimutang papel eh, ang pagiging nanay niya sa dalawang boys nila ni Ariel (Rivera) na sina Joaqui at  Julio na mga binatilyo na. Hindi ba siya nakaka-feel ng being left out dahil mas nagiging open ang boys sa Dad nila?

“Ay, hindi! Super sweet kasi ang dalawang boys sa amin ni Ariel. They share what’s on their minds kaya hindi naman kami nahihirapan as far as communication is concerned. Happy lang!”

Sunday nights sa TV5, kanya-kanyang kembot ang empowered women ng Misterless Misis at 9:00 p.m. nakikita mo ba ang sarili mo sa isa sa kanila? Gelli’s character as Liza is the wife of an OFW na napalilibutan ng mga katsismisan!

HARDTALK – Pilar Mateo