Mister pinatay si misis bago nag-suicide (Dahil sa text)

KIDAPAWAN CITY – Patay ang mag-asawa makaraan patayin ni mister ang kanyang misis at pagkaraan ay nagpakamatay rin dakong 8:50 p.m. kamakalawa sa lalawigan ng Cotabato City.

Kinilala ang mag-asawang sina Ramon Bajador, 38, at Mylin Bajador, 35, mga residente ng Brgy. Rangaban Dos, Midsayap North Cotabato.

Ayon kay Midsayap Defuty Chief of Police, Senior Inspector Henry Narciso, matutulog na sana ang mag-asawa nang mabasa ni mister ang text sa cellphone ng misis mula textmate na nagsasabing “Saan ka na ngayon na miss kita kaylan tayo magkikita?”

Dahil sa galit ng suspek na may karelasyong ibang lalaki ang kanyang asawa, kumuha siya ng kutsilyo at sinaksak si Mylin.

Pagkaraan ay tatlong beses rin niyang sinaksak ang sarili hanggang malagutan ng hininga.