Startalk, magba-baboo na sa September

HANGGANG September na lang daw ang Startalk sabi mismo ng GMA7 TV executive na nakatsika namin.

Pero may bagong show daw si ‘Nay Lolit Solit na tatakbo ng 30 minutos, “hindi mawawala si nanay Lolit, bibigyan pa rin siya ng show, ‘yung ‘Startalk’ per se ang wala na,” sabi sa amin.

Inamin ng kausap naming executive ng GMA 7 na natatalo raw ang Startalk ng katapat nilang programa sa ABS-CBN.

Hindi binanggit ng kausap namin kung anong programa ang katapat nila kaya kami na lang ang nagtanong sa ABS-CBN at Failon Ngayon ni Ted Failon pala ang katapat.

Well, siguro mas interesado ang tao ngayon sa problemang tinatalakay ni Failon sa programa niya at nabibigyan kaagad ng solusyon at ayaw na rin siguro ng ilang viewers ang tsismis tungkol sa artista.

FACT SHEET – Reggee Bonoan