HATAW! D'yaryo ng Bayan hatawtabloid.com
SPEAKING of Deo T. Endrinal, matagal na raw silang nagkausap ni direk Antoinette Jadaone na gagawa ng teleserye sa Dreamscape Entertainment. Marami kasi ang nagulat na nakuha ni DTE si direk Tonette gayung sa Star Cinema siya nagsimulang magdirehe ng commercial films kaya’t inaasahan ng lahat na roon din ang first serye project niya.
“Ay matagal ko ng nakausap si direk Antoinette, noong time pa ng ‘Genie in a Bottle’ nina Angeline (Quinto) pa kaya bago pa nanalo ‘yung ‘Tadhana’, bago pa kumita ang ‘English Only Please’, ‘You’re My Boss’. At madali naman din siyang kausap,”pagkaklaro ni DTE.
Ang kaibahan daw ni direk Antoinette, ”may iba siyang estilo, iba siyang mag-ilaw, kita mo nga ‘di ba, ang ganda sabi nga parang pelikula (‘On The Wings of Love’). So gusto ko siya (direk Antoinette)”
At dahil impressed ang lahat sa mala-pelikulang teaser ng On The Wings of Love ay tiyak kaming gustong-gusto talaga si direk Tonette ni sir Deo kaya ang tanong namin ay ‘forever’ na ba ang direktor sa Dreamscape Entertainment?
“Ay hindi naman kasi hindi niya kayang pagsabayin ang pelikula at teleserye ayaw niya ng nangangarag.
“Eh, siya ang direktor nina Herbert (Bautista) at Kris (Aquino) sa pang-film festiva movie, so tingnan natin,” say ni DTE.
FACT SHEET – Reggee Bonoan
