HATAW! D'yaryo ng Bayan hatawtabloid.com
KAPURI-PURI ang ginawang pagdalaw ni Manny Pacquiao sa kulungan ng kababayan nating nakakulong sa Indonesia, si Mary Jane Veloso.
Kasong drug trafficking ang dahilan kung bakit nakulong ang ating kababayan.
Matatandaang una nang nananawagan si Manny sa pangulo ng Indonesia na sana’y mabigyan si Maryjane ng executive clemency noong kasagsagan ng trainining niya para sa laban kay Floyd Mayweather at tila pinagbigyan si Manny dahil naipagpaliban ang pag-firing squad kay Maryjane.
Nabawasan nga lang ang mga sumisimpatya kay Maryjane nang magbubunganga ang nanay nito laban sa pamahalaan ni PNoy.
Muli na namang napag-uusapan ang tungkol sa pagbitay kay
Maryjane, again to the rescue uli si Manny. Dumalaw muli si Pacman sa kulungan ni Maryjane at ipinag-pray over ito kasama si Jinkee Pacquiao.
Bilang pasasalamat, binigyan ni Maryjane si Manny ng isang balabal na siya mismo ang may gawa, ‘di nga lang nabalita kung may ibinigay din
si Manny kay Maryjane. Bawal yatang bigyan sila ng pera.
Well, sana dinggin ng nasa Itaas ang prayers ni Manny para kay Maryjane at sana’y mailigtas na naman ni Manny ang buhay ni Maryjane sa pangalawang pagkakataon.
Pero may nasagap akong balita Manay Maricris na double purpose raw ang pagpunta ni Manny sa Indonesia. Bukod sa pray over, gagawa rin daw ito ng commercial doon, true ba ito?
MAKATAS – Timmy Basil
