HATAW! D'yaryo ng Bayan hatawtabloid.com
NALULUNGKOT tayo na lumalabas ngayon na inggrato si Vice President Jejomar Binay.
Pero wala tayong magagawa, kahit sino ang tanungin natin ngayon, ganoon ang pagtingin kay VP Jojo B.
Hindi kasi na-realize ni VP Jojo na si PNoy ay galing talaga sa pamilya ng mga Cacique.
Sabi ni VP Binay, manhid at palpak daw ang gobyerno.
Hindi naman natin sinasabi na hindi ito totoo. Ang puna lang nang marami, bakit ngayon lang nagsasalita si VP Binay?
‘Yan tuloy, nabuweltahan siya ni PNoy.
Lumalabas tuloy na may utang na loob pa si Jojo B. kay PNoy dahil hindi siya ginawang ‘spare tire’ na VP.
Binigyan siya ng trabaho bilang hepe ng Housing and Urban Development Coordinating Council (HUDCC).
Ibinigay pa ang request niyang Presidential Adviser at hepe ng Task Force OFWs.
Kung tutuusin nga naman, nagamit pa ni Binay ang posisyon at pondo ng opisinang ‘yan sa mga pag-iikot niya sa buong bansa.
At ‘yan ang mas lalong nakalulungkot. Gamit ang resources ng bawat ahensiya ng pamahalaan mula sa taxpayers’ money hindi para magserbis-yo sa mamamayan kundi para magbangayan.
Uupa ng kung sino-sinong political operator, again, gamit na naman ang pera ng bayan.
Bakit ba ganitong mga uri ng politiko ang ‘tumubo’ sa Pinas?!
Pinagkikitaan na ang pera ng bayan, idinadamay pa tayo sa kanilang mga away.
Sonabagan! Mga kapalmuks talaga!
