Coco, ginawang ‘coach’ si Toni sa pagpapatawa

MATAGAL nang hinihintay ang pagtatambal nina Coco Martin at Toni Gonzaga. At sa wakas, naisakatuparan ito ng Star Cinema sa pelikulang You’re My Bossna mapapanood na sa April 4.

Ang You’re My Boss ay ang pinakamalaki at pinaka-exciting na romantic-comedy na ipalalabas sa mga sinehan ngayong tag-araw.

Sina Coco at Toni rin ang masasabing pinakamalaki at pinaka-accomplished young stars ng ABS-CBN ngayon. Isa si Coco sa pinakanirerespeto at talentadong actor ng kanyang henerasyon at kitang-kita ito sa kanyang impressive at diverse na body of work na kinabibilangan ng consistent string ng mga top-rating primetime TV series, high profile multi-media endorsements, at mga blockbuster film.

Si Toni naman ay kinilala bilang Ultimate Multi Media Star sa mundo ng showbiz. Gaya ni Coco, marami at non-stop din ang mga blockbuster na pelikula niya matapos sumikat ng todo bilang isang top singer at recording artist, concert performer, at television host. Si Toni rin ang isa sa pinakapinagkakatiwalaang celebrity endorsers sa buong bansa.

Ang You’re My Boss ay isinulat ni Antoinette Jadaone. Kilala si Antoinette bilang breakout romantic-comedy director ng 2014 at siya rin ang sumulat at nagdirehe ng That Thing Called Tadhana na highest grossing independent Filipino film of all time.

Nakasentro ang You’re My Boss sa nakaaaliw na sitwasyon ng isang top-level na executive at ng isang messenger. Mapipilitan silang magpalit ng posisyon sa kompanyang pinagtatrabahuhan upang masara angisang napakalaking business deal. Maaarin magtagumpay ang kanilang plano ngunit kakayanin kaya ng mga puso nila ang pagpapanggap na kanilang gagawin?

Ang pelikula ay isang masaya at light na summer movie na tiyak na pupukaw sa damdamin ng milyon-milyong Pinoy. First time na gumawa ni Coco ng rom-com kaya naman ibang Coco ang mapapanood dito. Aminado ang binata na si Toni ang coach niya sa pelikulang ito. Hindi nga naman kasi siya sanay na magpatawa. Sinabi nga nitong may mga eksenang nakaka-take 6 siya gayung ‘pag drama eh, take one lang.

 

 

ni Maricris Valdez Nicasio