HATAW! D'yaryo ng Bayan hatawtabloid.com
MARAMI talaga ang naka-miss kay Sharon Cuneta kaya naman agad nag-trending worldwide ang kanyang pagbabalik sa ABS-CBN kahapon.
Kasabay ng pagbabalik ang contract signing ni Sharon na dinaluhan ng mga big boss ng ABS-CBN tulad ni president at CEO Charo Santos-Concio, COO Carlo Katigbak, free TV head Cory Vidanes, chief financial officer Aldrin Cerrado, TV production head Laurenti Dyogi, at business unit head Lui Andrada.
Isang masaya at enggrandeng homecoming ang sumalubong kay Megastar sa pagpirma niyang ng kontrata sa Kapamilya Network bilang miyembro ng jury ng pinakabago nitong variety show na Your Face Sounds Familiar.
Mismong si Sharon ang nagpahiwatig sa social media ng kanyang excitement sa pinakabagong TV project, na sinuklian naman ng kanyang fans ng pagbuhos ng mainit na suporta.
“I love you all from the bottom of my heart for your unwavering love and support,” mensahe niya para sa Sharonians sa kanyang Facebook page.
Ayon sa balita, no. 8 worldwide trending topic ang pagbabalik ni mega.
Kasabay ng pagbabalik ni Mega ang usapin ukol sa kanyang talent fee. Alam naman nating napakalaki ng TF na tinaggap niya nang lumipat sa TV5. Pero ayon kay Sharon, “Walang sulutang naganap sa pagbabalik ko, alam kong babalik ako sa Kapamilya Network at hindi malalagyan ng presyo ang pagbabalik kong ito.”
ni Maricris Valdez Nicasio
