HATAW! D'yaryo ng Bayan hatawtabloid.com
ni James Ty III
LALARO ang Pambansang Kamao na si Manny Pacquiao para sa Rookies kontra Sophomores sa isang exhibition game sa unang araw ng PBA All-Star Weekend sa Marso 6 sa Puerto Princesa, Palawan.
Makakasama ni Pacquiao sa Rookies sina Stanley Pringle, Kevin Alas, Ronald Pascual, Jake Pascual at Matt Ganuelas Rosser.
Ang Sophomores naman ay pangungunahan nina Justin Melton at Terrence Romeo na lalaro para sa North sa All-Star Game sa Marso 8.
Si Pringle naman ay kasama sa South All-Stars.
Sa slam dunk contest ay lalarga ang co-champions noong isang taon na sina Melton at Rey Guevarra at makakalaban nila sina KG Canaleta, Chris Ellis, Calvin Abueva at Japeth Aguilar.
Tatangkain naman ni Mark Macapagal na maidepensa ang kanyang titulo sa three-point shootout kalaban nina Chris Tiu, James Yap at Dondon Hontiveros samantalang sasabak ang defending champion na si Mark Barroca sa Obstacle Challenge kalaban naman nina Jonas Villanueva, LA Tenorio at Jayson Castro.
