Kaso vs MILF, BIFF depende sa BOI

INIHAYAG ni Justice Secretary Leila De Lima na nakabase sa ginagawang imbestigasyon ng Board of Inquiry (BOI) sa Mamasapano Encounter ang isusulong na kaso ng kanilang fact finding team laban sa MILF at BIFF.

Ngunit ayon kay De Lima, hiwalay na mangangalap ng ebidensiya at report ang kanilang mga state prosecutor mula sa DoJ National Prosecution Service (NPS) at mga imbestigador mula sa National Bureau of Investigation (NBI).

Aniya, sa ngayon ay dapat hayaan na muna sa pag-iimbestiga ang BOI upang makahanap nang matitibay na ebidensiya para sa pagkamit ng hustisya sa namatay na 44 kasapi ng PNP-Special Action Force.