MJC detainee todas sa atake

NAKATAKDANG beripikahin sa Bureau of Jail Management and Penology (BJMP) ng Manila Police District-Homicide Section (MPD-HS) kung detainee sa Manila City Jail (MCJ) ang isang 53-anyos lalaking isinugod sa Jose Reyes Memorial Medical Center nang atakehin sa puso ngunit binawian ng buhay noong Disyembre 25 ng madaling-araw.

Ayon kay SPO3 Glenzor Vallejo, kamakalawa lamang ng gabi naitawag sa kanilang tanggapan ang pagkamatay ng biktimang si Willyhado Gueta, nakasuot ng dilaw na t-shirt may tatak na Manila City Jail Detainee.

Nabatid sa imbestigasyon, isinugod ang biktima ng isang babaeng nagpakilalang kapatid dakong 3:20 a.m.

Ngunit nang kapanayamin ang hospital staff ng JRMMC ay hindi na nakita ang nagpakilalang kapatid ng biktima.

Leonard Basilio