Live-in partners patay sa ambush

LAOAG CITY – Kapwa patay ang mag-live-in partner makaraan tambangan kamakalawa ng hapon sa Brgy. Caringquing, bayan ng Solsona.

Kinilala ang mga biktimang sina Owen Cariaga, residente ng Brgy. Juan ng nasabing bayan; at si Regelyn Ruiz, tubong Brgy. Manalpac, tinamaan ng bala ng M16 sa kanilang ulo.

Ayon kay Senior Insp. Leonardo Tolentino, chief of police ng nasabing bayan, mayroon na silang anggulong pinag-aaralan sa naturang insidente ngunit tumanggi pang magbigay ng detalye upang hindi maapektohan ang pagsisiyasat.

Ani Tolentino, nangyari ang pananambang habang nakasakay ang mga biktima sa tig-isang motorsiklo at angkas ang tig-isa nilang anak.

Sa teorya ng pulisya, maaaring hinintay ng mga suspek ang mag-live-in sa paanan ng bundok.

Maswerteng hindi tinamaan ang mga batang angkas ng mga biktima.

(BETH JULIAN)