HATAW! D'yaryo ng Bayan hatawtabloid.com
NITONG nakaraang Biyernes, lumabas pala ng kanyang opisina si Overseas Workers Welfare Administrator (OWWA) administrator Becca Calzado para salubungin ang ipina-press release at sinabing 100 overseas Filipino workers (OFWs) mula Libya via Qatar Airways QR 926.
Ang siste, hindi maagang naimpormahan si Madam Calzado na nagkaroon pala ng konting problema ‘yung Qatar Airways QR 926 kaya hindi dumating ‘yung 100 OFWs.
In short, wala pala siyang sasalubungin sa airport!
Hik hik hik …
‘E kaya lang, medyo uminit yata ang ulo ni Madam … kaya biglang bumawi sa media. Hinanap daw po ang inyong lingkod … at gusto yata tayong i-interrogate sa naisulat natin na hindi niya sinasalubong at cannot be located siya para bigyan ng konsolasyon ang mga OFW na masasama ang loob dahil bigla silang nawalan ng trabaho.
Tingin kasi natin e dapat niyang salubungin ang mga OFW para patanawin naman ng pag-asa na mayroong maitutulong ang OWWA hangga’t wala silang malilipatang bansa na pwede silang makapag-empleyo.
Alalahanin ninyo ang dollar remittances ng mga OFW Madam. Ang sa kanila naman ay konting ‘tapik lang sa balikat’ mula sa pamahalaan para naman tumaas nang kahit konti ang morale nila.
Baliktarin kaya natin ang sitwasyon Madam Calzado … ikaw ang nalulungkot na OFW na umuwi ng bansa, mababang-mababa ang morale pero wala man lang taga-gobyerno na sumalubong sa inyo sa Airport, ano kaya ang mararamdaman ninyo?!
Hindi ba’t malalaglag din ang balikat ninyo?
Huwag po ninyo akong hanapin. Kung gusto n’yo talaga akong makausap mayroon pong telepono ang aming opisina at ang kolum na ito, maaari po ninyo akong tawagan.
Anyway, nagpapasalamat po tayo na kayo’y lumabas na ng inyong opisina para salubungin ang OFWs from Libya… ‘yun nga lang na-wow mali kayo …
Next time Madam, ipasigurado po ninyo sa PIO o sa secretary ninyo, para naman hindi kayo nawa-WOW MALI.
‘Yun lang po!
Para sa mga reaksiyon, suhestiyon, reklamo at sumbong, magtext sa 0915.804.76.30 o mag-email sa [email protected]. Para sa mga nakaraang isyu ng BULABUGIN please visit https://hatawtabloid.com
