HATAW! D'yaryo ng Bayan hatawtabloid.com
Nitong mga nakaraang araw, marami akong natanggap na text message at e-mail na nagdedetalye ng mga anomalya ng ilang Immigration officer sa Bureau of Immigration (BI)-Mactan airport.
May sumbong laban sa Immigration Officer, may sumbong laban sa TCEU agent at sa Intel.
Minabuti kong magtanong at mag-verify at nalaman ko na iisa pala ang pinag-aawayan ng mga tauhan ng BI Mactan airport … ‘TRABAHO’ na pinagkakakitaan nila!
Kapag nasagasaan ng isa sa kanila ang ‘trabaho’ ng kasamahan nila ay sisiraan at gigibain para makaganti at mapatanggal sa airport.
Natuklasan ko rin na isang Intel personnel na alias “BELO-T” ang may hawak ngayon ng sindikato ng Bombay diyan sa Mactan airport.
Matindi raw si alias ‘Belo-t,’ lahat ng nakikialam at nakasasagasa sa trabaho niya ay kaya niyang pondohan para sa demolition job.
Alam mo ba ‘yan BI-Intel head Atty. Jake Licas?
Ilang IO rin ang sinasabi na ‘tongpats’ ng mga Koreano at Intsik sa airport.
Immigration Comm. Fred Mison, it’s about time na ituwid mo ulit ang daan diyan sa BI Mactan airport.
Huwag na ninyong hintayin na may ‘sumabog’ pa na malaking bomba diyan!
Para sa mga reaksiyon, suhestiyon, reklamo at sumbong, magtext sa 0915.804.76.30 o mag-email sa [email protected]. Para sa mga nakaraang isyu ng BULABUGIN please visit https://hatawtabloid.com
