Friday , April 4 2025

Good Samaritan binoga ng 2 kelot, bebot kritikal

KRITIKAL ang kalagayan ng isang babae makaraan masapol ng ligaw na bala sa leeg nang mamaril ang dalawang lalaki nang maharang ang kanilang sasakyan ng tricycle na minamaneho ng isang ‘Good Samaritan’ sa Valenzuela City kahapon ng madaling araw.

Ginagamot sa Quezon City General Hospital ang biktimang si Nora Del Monte, 42, vendor, residente ng #23 Old Cabuyao St., Novaliches, Quezon City.

Habang maswerteng hindi tinamaan ng bala ang ‘Good Samaritan’ si Arnesto Buenaventura, 36, tricycle driver, ng 5140 Doña Marciana Subdivision, Brgy. Ugong ng nasabing lungsod, na siyang target ng mga suspek.

Agad naaresto ng mga awtoridad ang dalawang suspek na sina Randy Velus, 32, at Aljun Vargas, 19, driver, kapwa residente sa #158 Golden Tower St., Quezon City.

Sa ulat ni  PO3 Michael Oxina, naganap ang insidente dakong 5:20 a.m. sa tapat ng garahe ng mga truck sa C-5 Ext., Brgy. Ugong ng nasabing lungsod. Isang truck ang hindi makapagmaniobra dahil sa sikip ng kalsada kaya tinulungan ni Buenaventura para mabilis na makaraan ang ibang mga sasakyan.

Pero hindi agad nakaraan ang Isuzu Elf na minamaneho ng suspek na si Vargas kaya pinagmumura si Buenaventura.

Hanggang bumunot ng baril si Velus at pinaputukan si Buenaventura ngunit hindi tinamaan.

Sa ikalawang putok, minalas na tinamaan si Del Monte sa leeg habang nakaangkas sa motorsiklong minamaneho ng kanyang live-in partner.

(ROMMEL SALES)

About hataw tabloid

Check Also

DENR, LGU kinalampag sa illegal resort construction sa Bohol

DENR, LGU kinalampag sa illegal resort construction sa Bohol

SUMIKLAB ang galit ng mga lokal na residente kaugnay sa viral video ng isang backhoe …

Duterte ICC

Para sa pagsusulong ng Crime Against Humanity
1 KASO NG MURDER SWAK PARA LITISIN SI DUTERTE – ICC

HATAW News Team ISANG kaso lang ng pagpatay ay sapat na para lumarga ang Crime …

Myanmar

PH humanitarian team ipinadala sa Myanmar

BUMIYAHE na ang Philippine Inter-Agency Humanitarian Contingent (PHIAC) upang tumulong sa search, rescue, at retrieval …

COMELEC Vote Election

34 reklamo ng vote buying, vote selling inireklamo

INIULAT ng Commision on Elections (Comelec) na umabot sa 34 kaso ang mga iniulat sa …

Lisensya ng SUV at motorcycle drivers sa Antipolo road race, sinuspinde ng LTO

Lisensya ng SUV at motorcycle drivers sa Antipolo road race, sinuspinde ng LTO

PINATAWAN ng 90-araw suspensiyon ng Land Transportation Office (LTO) ang lisensiya sa pagmamaneho ng SUV …

Leave a Reply

Your email address will not be published. Required fields are marked *